Khmer ideas

Tuesday, September 26, 2017

មកមើលផ្លែប៉ោមស្រុកខ្មែរតិចមើល(មានវីដេអូ)

ប្រជាកសិករនៅ ភូមិស្រយ៉ង់ ឃុំស្រយ៉ង់ ស្រុកគូលែន ខេត្តព្រះវិហារ បាននិយាយរៀបរាប់ពីដំណាំផ្លែប៉ោមគាត់ថាល្មមដាំបានដើម និងផ្លែប៉ុណ្ណេះគាត់ចំនាយរយៈពេលប្រមាណ ១៣ខែ។ ហើយគាត់បន្ថែមថាប្រហែលឆ្នាំក្រោយវាបានផលច្រើនជាងហ្នឹងទៀតព្រោះឥឡូវដើមវានៅតូចនៅឡើយ ហើយគាត់មានគម្រោងដាំបន្ថែមទៀត៕

ប្រភព៖ somoeunkim

កែសម្រួលដោយ៖ Khmer Ideas

Monday, September 25, 2017

តើអ្នកស្គាល់ល្មើទេហេតុអ្វីបានជាវាមានតម្លៃថ្លៃយ៉ាងនេះ?

ដំណាំល្មើជាដំណាំនៅកម្ពុជាជាយូរណាស់មកហើយ ហើយមានតម្រូវការខ្ពស់ដោយវិនិយោគិនជាតិ និងអន្ដរជាតិសំឡឹងមើលឃើញទីផ្សារតំបន់អាស៊ានត្រូវការផលិតផលល្មើរបស់កម្ពុជាក្នុងការនាំចេញក្នុងអាស៊ាននិងពិភពលោក។
ដំណាំ «ល្ម៉ើ» ត្រូវបានអ្នកជំនាញកសិកម្មអះអាងថា នឹងចាប់ផ្តើមទទួលផល ក្នុងរយៈពេល៣ឆ្នាំ បានចាប់ពី៤០គីឡូទៅ១០០គីឡូក្រាម ក្នុងមួយដើម ហើយក្នុងរយៈពេល១០ ឆ្នាំអាចទទួលផល បាន៥០គីឡូឡើងទៅក្នុងមួយដើមៗ។

អត្ថប្រយោជន៍ល្មើ

១.ធ្វើឱ្យឆ្អឹងរឹងមាំ វាមានសារធាតុ ម៉ាញ៉េស្យូម សេឡេន្យូម និងម៉ង់ហ្គាណែស។

២.ពង្រឹងការរំលាយអាហាររបស់អ្នក

ផ្លែល្មើល្អចំពោះសុខភាពដោយសារតែបរិមាណជាតិកាកសរសៃរលាយខ្ពស់របស់វា ។ជាតិកាកសរសៃរលាយនឹងទាញជាតិទឹកពីក្នុងបំពង់រំលាយអាហាររបស់អ្នក ដែលធ្វើឱ្យអ្នកបត់ជើងបានទៀងទាត់។ លើសពីនេះផ្លែល្មើអាចជួយបង្ការជំងឺរាករូសដោយសារតែវាអាចជួយរក្សាតុល្យភាពក្នុងផ្លូវរំលាយអាហារ។

៣.ជួយឱ្យជាតិដែកមានតុល្យភាព

ផ្លែល្មើសម្បូរទៅដោយជាតិដែកដែលជាប្រភពអាហារដ៏ល្អក្នុងការរក្សាតុល្យភាពកម្រិតជាតិដែក ជាពិសេសចំពោះអ្នកដែលមានជំងឺស្លេកស្លាំង ។ ការបរិភោគផ្លែល្មើអាចបង្កើនកម្លាំង និងថាមពលទាំងមូលរបស់ពួកគេ ។

៤.ជំរុញថាមពលក្នុងខ្លួនអ្នក

ផ្លែល្មើមានជាតិស្ករពីធម្មជាតិដូចជាស្ករ sucrose ស្ករ fructose និងស្ករ glucose ដែលធ្វើឱ្យវាជាអាហារសម្រន់ដ៏ល្អក្នុងការបង្កើនថាមពលរបស់អ្នក ។ ជាតិកាកសរសៃដែលមាននៅក្នុងផ្លែល្មើមានសមត្ថភាពក្នុងការរក្សាថាមពលរបស់អ្នក ដែលអាហារផ្អែមផ្សេងទៀតមិនអាចធ្វើបាន ។

៥.តម្លៃល្មើ

តម្លៃល្មើគ្រាប់ពូជ ១គីឡូ ២២០ដុលារ(តម្លៃក្នុងស្រុក)

ដោយឡែកបើយើងបំបែកកូនពីដើមញីគឺយើងបានកូនញី១០០%ផងដែរតែវាថ្លៃគឺកូនមួយដើមបំបែកចេញពីដើមញីថ្លៃដល់១០០ដុល្លា(តម្លៃក្នុងស្រុក)។ ដំណាំជាដំណាំឧស្សាហកម្មនិងមានអាយុវែងដល់រាប់រយឆ្នាំ៕

ប្រភព៖ Khmer Ideas

មោះ!!មកដឹងពីឈ្មោះនិងប្រវែងត្រីទឹកសាប

ប្រទេសកម្ពុជាយើងមានត្រីជាច្រើនប្រភេទណាស់ មានរសជាតិភ្លែកៗពីគ្នា ហើយឆ្ញាញ់ៗទៀត។

១.ត្រីកាហោ/ត្រីក្បាលឡាន/ត្រីគល់រាំង

មានប្រវែងអតិបរិមា ៣០០ស.ម

២.ត្រីខ្សាច់ មានប្រវែងអតិបរិមា ៨ស.ម

៣. ត្រីកញ្ចុះ មានប្រវែងអតិបរិមា ២០ ស.ម

៤.ត្រីចេកទុំ មានប្រវែងអតិបរិមា ៣០ស.ម

៥.ត្រីឆ្កោក មានប្រវែងអតិបរិមា ៧៥ស.ម

៦.ត្រីទ្រនេល មានប្រវែងអតិបរិមា ៥០ស.ម

៧.ត្រីឆ្លាំង មានប្រវែងអតិបរិមា ៣១ស.ម

៨.ត្រីកញ្ចាញ់ច្រាស់ មានប្រវែងអតិបរិមា ១០ស.ម

៩.ត្រីកញ្ជូកក្រហម មានប្រវែងអតិបរិមា ២៥ស.ម

១០.ត្រីអណ្ដែងទន់ មានប្រវែងអតិបរិមា ៣៥ស.ម

ប្រភព៖ Khmer Ideas

ខេត្ដកណ្ដាលមានអ្វីខ្លះទៅ?

១.ទីតាំងភូមិសាស្រ្តខេត្តកណ្តាល ខេត្តកណ្តាល គឺជាខេត្តមួយដែលស្ថិតនៅជាប់នឹងជាយទីក្រុងភ្នំពេញតាមបណ្តោយដងផ្លូវលេខ៥នៅភាគខាងត្បូងប្រទេសកម្ពុជា។ ខេត្តកណ្តាលមានទីរួមខេត្តនៅតាខ្មៅ ។ ខេត្តកណ្តាលមានស្រុកចំនួន១០ ក្រុង១ ឃុំ១២៧ ភូមិ៩១២ និងមានប្រជាជនចំនួន១,១៥៥,០៣០នាក់ ហើយមានផ្ទៃដី៣,២១១.៧៦ គ.ម២

ខេត្តកណ្តាលជាខេត្តមួយក្នុងចំណោមខេត្ត-ក្រុងទាំង២៥ នៃព្រះរាជាណាចក្រកម្ពុជាដែលលាតសន្ធឹងហ៊ុំព័ទ្ធរាជធានីភ្នំពេញតាមបណ្តោយដងទន្លេមេគង្គ ទន្លេសាប ទន្លេបាសាក់ និង មានព្រំប្រទល់ : ខាងជើងជាប់នឹងខេត្តកំពង់ចាម និង កំពង់ឆ្នាំង ខាងលិចជាប់នឹងខេត្តកំពង់ស្ពឺ ខាងត្បូងជាប់នឹងខេត្តកែវ និងព្រំប្រទល់វៀតណាម ខាងកើតជាប់ខេត្តព្រៃវែង ២.សេដ្ឋកិច្ច ខេត្តកណ្តាលដើរតួជាខ្សែក្រវាត់សេដ្ឋកិច្ចនៃរាជធានីភ្នំពេញ។ការធ្វើកសិកម្ម និង នេសាទគឺជាឧស្សាហកម្មសំខាន់ពីរនៃខេត្តនេះ។ ផលិតផលបន្ថែមពីការធ្វើស្រែចម្ការ ខេត្ដនេះក៏ទ្រទ្រង់ឧស្សាហកម្មផលិតតាមផ្ទះដែលកំពុងរីកលូតលាស់ និងរោងចក្រជាច្រើនស្ថិតនៅខេត្ដកណ្ដាល ដែលបានផ្ដល់ការងារដល់កម្មករច្រើនជាង ៥សែននាក់។ ៣.កសិកម្មសំខាន់ៗខេត្តកណ្តាល ប្រជាជនខេត្តកណ្តាលភាគច្រើនប្រកបរបរ កសិកម្ម ដាំដំណាំ ក្រៅពីរដូវធ្វើស្រែពួកគាត់មានរបរមួយទៀតគឺរបរឡើងត្នោត និង ធ្វើស្រែប្រាំងព្រមទាំងដំណាំផ្សេងៗទៀត ។ កសិកម្មតាមតំបន់នឹងស្រុកក្នុងខេត្តកណ្តាលមាន: ស្រុកល្វាឯម ដំណាំដែលសម្បូរជាងគេគឺដំណាំស្វាយ ដំណាំបន្ទាប់បន្សំមាន ត្រសក់ ពោត គល់ស្លឹកគ្រៃ និង ស្រូវ។

ស្រុកលើកដែក អំពៅ និង ពោត។ ស្រុកខ្សាច់កណ្តាល ឈូក និង ឱឡឹក ។ ស្រុកកោះធំ គ្រាប់ជី និង ល្ង។

៤.តំបន់ទេសចរណ៍សំខាន់ៗខេត្តកណ្តាល ស្អាងភ្នំ ស្អាងភ្នំជារមណីដ្ឋានធម្មជាតិនឹងវប្បធម៌ដែលនៅទីនោះមានវត្តមួយសង់នៅលើកំពូលភ្នំខ្ពស់ជាងគេដែលគេមើលទៅឃើញទិដ្ឋភាពល្អប្លែកជុំវិញតំបន់នោះ។ ស្អាងភ្នំសិ្ថតនៅឃុំស្អាងភ្នំមានចម្ងាយ ២៣km ពីតាខ្មៅ។ដើម្បីទៅកាន់ភ្នំនេះអ្នកត្រូវចេញដំណើរពីក្រុងតាខ្មៅតាមផ្លូវជាតិលេខ ២១ ។

វត្តទួលរាជា ទួលរាជាជាអារាមព្រះពុទ្ធសាសនាមួយដ៏មានសក្តានុពលដែលសំបូរទៅដោយសមិទ្ធផលនិងព្រះពុទ្ធរូបដ៏ធំស្កឹមស្កៃដែលផុសចេញនៅលើទីទួលមួយខ្ពស់តាមវាលស្រែ។ វត្តទួលរាជាមានចម្ងាយពីភ្នំពេញប្រមាណ ៣០km យើងធ្វើដំណើរពីតាខ្មៅទៅស្រុកស្អាងដោយឆ្លងដកំពុងផែសំប៉ាន លោកអ្នកនឹងបានទៅដល់វត្តទួលរាជា ។

វត្តភ្នំធនមន្ដ វត្តភ្នំធនមន្ត ស្ថិតក្នុងឃុំ ព្រែកតាគយ ស្រុក ស្អាងចម្ងាយ ៣៤.៥គ.ម ពីភ្នំពេញតាមផ្លូវជាតិលេខ ២១។ ភ្នំធនមន្ត មានអំណោយផលធម្មជាតិ ដើមឈើជាម្លប់ត្រជាក់ដុះពីជើងភ្នំដល់កំពូលភ្នំ ខ្យល់បរិសុទ្ធនៅលើកំពូលភ្នំអាចធ្វើឲ្យអ្នកទេសចរ ផ្ដោតអារម្មណ៍ទៅលើទេសភាព ដើម្បីបំបាត់ទុក្ខកង្វល់ និង ទទួលយកអារម្មណ៍ល្អៗ ពីទីនោះ។

រមណីយដ្ឋានកៀនស្វាយក្រៅ កៀនស្វាយក្រៅជាតំបន់ទេសចរណ៍ធម្មជាតិដែលមានផ្ទះទឹកជាច្រើនតាមមាត់ទន្លេដែលមានខ្យល់អាកាសបរិសុទ្ធនឹងសម្រស់ធម្មជាតិស្រស់បំព្រង ។ កៀនស្វាយក្រៅស្ថិតនៅស្រុកកៀនស្វាយចម្ងាយពីភ្នំពេញ ១៩ គ.ម។

ប្រភព៖ Khmer Ideas

ខេត្តកំពង់ស្ពឺមានអ្វីខ្លះ?

១.ខេត្តកំពង់ស្ពឺ
ខេត្តកំពង់ស្ពឺជាខេត្តមួយនៃប្រទេសកម្ពុជា។ ក្រុងកំពង់ស្ពឺជាទីរួមខេត្តនៃខេត្តនេះ។ ខេត្តកំពង់សឺ្ពសិ្ថតនៅក្នុងតំបន់ខ្ពង់រាប និងព្រៃភ្នំមានប្រជារា្រស្តសរុប ៥៩៨ ៨៨២នាក់ ក្នុងនោះមានប្រុស ២៨៧ ៣៩២នាក់ ស្រី ៣១១ ៤៩០នាក់ ។ ជាភាគរយនៃប្រជារា្រស្តជា ស្រីមាន ៥២ភាគរយ ។ ខេត្តនេះ រួមមាន ៨ស្រុក ៨៩ ឃុំ និង ១៣១៩ ភូមិ ។ ចំនួន ប្រជារា្រស្តទូទាំងខេត្តនេះ សើ្មនឹង ៥,២ ភាគរយនៃប្រជារា្រស្តទូទាំងប្រទេសកម្ពុជា។ ដង់ស៊ីតេប្រជារា្រស្ត របស់ខេត្តគឺ ៨៥ នាក់ក្នុងមួយគីឡូម៉ែត្រការ៉េ ខ្ពស់ជាង ដង់ស៊ីតេកម្រិតជាតិ ដែលមានតែ 64នាក់ ។ ខេត្តកំពង់ស្ពឺត្រូវបានគេស្គាល់ថាជាខេត្តដែលសំបូរដើមត្នោតច្រើនជាងគេ។មានផ្ទៃដីសរុប ៧០១៧ គម២ ។ប្រជាជន =៥៩៨,៨៨២ (១៩៩៨)។ ដង់ស៊ីតេ =១០២ នាក់/គម២ ។មាន៨ស្រុក៖
១.ស្រុកបសេដ្ឋ
២.ស្រុកឱរ៉ាល់
៣.ស្រុកសំរោងទង
៤.ក្រុងច្បារមនមាន
៥.ស្រុកគងពិសី
៦.ស្រុកឧដុង្គ
៧.ស្រុកភ្នំស្រួច
៨.ស្រុកថ្ពង
២.តំបន់ទាក់ទាញ និងរមណីយដ្ឋាន
-សារមន្ទីរនរៈបូរី -អំពែភ្នំ
-ឧទ្យានជាតិព្រះសុរាម្រិតកុសម(គីរីរម្យ)
-រមណីយដ្ឋានគីរីរម្យ(ក្រោម)
-រមណីយដ្ឋានល្អាងភ្នំចាស់
-ចំបក់
-ទឹកជ្រោះអន្លង់រ័ត្ន -ប្រាសាទសាទក្អែកពង
-រមណីយដ្ឋានវប្បធ៌មធម្មជាតិភ្នំព្រះ
-ផលិតផល បសុសត្វ (មាន់-ទា)
-តំបន់ទេសចរជនជាតិសួយ
-ភ្នំប្រសិទ្ធ
'

រក្សាសិទ្ធ Khmer Ideas

Friday, September 22, 2017

ស្ងាត់ៗតួសំដែងដ៏ល្បី គួន អ៉ី ឈ្មោះពិត (Rongguang Yu) ក្នុងរឿងសាមកុកមកលេងអង្គរ

ប្រទេសខ្មែរ សូមស្វាគមន៍ លោក គួន អ៉ី ឈ្មោះពិត (Rongguang Yu)

តារាសំដែង ជាតួ គួន អ៉ីឆាង ជាមេទ័ពស្មោះត្រង់ក្នុងសម័យសង្រ្គាមសាមកុក បានមកទស្សនាប្រាសាទអង្គវត្តដ៏ពិសិដ្ឋរបស់ខ្មែរយើង។ -លោក Rongguang Yu កើតថ្ងៃទី៣០ ខែសីហា ឆ្នាំ១៩៥៨, នៅទីក្រុងប៉េកាំង, ប្រទេសចិន
-លោកត្រូវគេស្គាល់ឈ្មោះមួយទៀតថា Ringo Yu -លោក Ringo Yu ធ្លាប់សំដែងរឿងឈុតឆាកវាយតបជាមួយ លី លីនជា យ៉ាងជក់ចិត្ត, មិនចាំចំណងជើងរឿង។ លោកត្រូវប្រជាជនខ្មែរគាំទ្រយ៉ាងខ្លាំងតាមរយៈការសំដែងរបស់លោក, ខ្ញុំជាអ្នកគាំទ្រការសំដែងរបស់គាត់ម្នាក់ដែរ។
-តារាល្បីរបស់ចិនមកមើល និងភ្ញាក់ផ្អើលពីមរតកដូនតាខ្មែរ, រីឯកកូនចៅខ្មែរ ភ្ញាក់ផ្អើលពីការមកដល់តារាសំដែងចិន, រួមទាំងខ្ញុំផងដែរ។

រូបភាព៖ ដោយលោក Lay KimHui

សញ្ញាទាំង៧បញ្ជាក់ថា crush មិនបានស្រលាញ់អ្នកវិញទេ

អ្នកចង់ដឹងពីវិធីកាត់ចិត្តពី crush? បើ crush របស់អ្នកមានសញ្ញាច្រើនក្នុងចំណោមសញ្ញាខាងក្រោមនេះ អ្នកគួរតែដកចិត្តបានហើយ។

១. មិនទាក់ទងនឹងអ្នក បុរសណាក៏ដោយ បើទោះបីជារវល់យ៉ាងណាក៏អាចចំណាយពេលបន្តិចបន្តួចដើម្បីទាក់ទងទៅកាន់នារីដែលយើងស្រលាញ់ដែរ។ ផ្ទុយមកវិញប៉ះចំអ្នកដែលខ្លួនមិនចូលចិត្តហើយ ទោះបីជាគេទំនេរក៏មិនខ្ចីសួររកអ្នកដែរ។ ២. មិនសកម្ម មិនថាសកម្មភាពដើរលេងឬធ្វើអ្វីក៏ដោយគឺសុទ្ធតែអ្នកជាអ្នកផ្ដើមទាំងអស់។ បើសិនជាអ្នកមិនផ្ដើមគេក៏មិនឈឺចិត្តស្អិតទ្រូងអ្វីទាំងអស់។ ៣. មិនណាត់ជួបគ្នាតែ២នាក់ បើសិនជាគេមានចិត្តលើអ្នក គេនឹងណាត់ជួបអ្នកដាច់ដោយឡែកតែ២នាក់ដើម្បីមានឱកាសស្និទ្ធស្នាលនឹងគ្នា។

៤. ច្បាស់លាស់រឿងលុយកាក់ បើចំពោះនារីដែលគេចូលចិត្ត ពេលទៅញ៉ាំអីម្ដងៗទោះបីជាទៅតែនាក់ឬជាក្រុមក៏ដោយ ក៏គេនឹងចេញលុយសម្រាប់ចំណែករបស់អ្នកដែរ។ តែបើអ្នកគ្រាន់តែជាមិត្តភ័ក្ដិនឹងគ្នា គេនឹងបែងចែកឲ្យដាច់ស្រេច។

៥. មិនរក្សាអាកប្បកិរិយា បើសិនជាអ្នកជាមនុស្សដែលគេមានចិត្តលើមែន គេនឹងតែងបង្ហាញខ្លួនក្នុងរូបភាពស្អាតបំផុតតាមដែលអាចធ្វើទៅបាន។ តែបើមិនមែនវិញ គេនឹងខ្វល់ពីរូបភាពរបស់ខ្លួនយ៉ាងម៉េចនោះឡើយ។

៦. ញ៉ែមនុស្សស្រីផ្សេងទៀត មនុស្សប្រុសនឹងចូលចិត្តមើលតែមនុស្សដែលខ្លួនចាប់ចិត្តបើទោះបីជាអ្នកមានស្បែកស្រគាំ ឬមិនសូវស្អាតក៏ដោយ។ តែបើអ្នកមិនមែនគោលដៅរបស់គេទៅហើយ គេនឹងចាប់ផ្ដើមចែចូវអ្នកផ្សេង។

៧. ស្នាមញញឹមមិនមែនសម្រាប់អ្នក អ្នកអាចចាប់អារម្មណ៍សង្កេតឃើញថា គេអាចញញឹមដាក់មិត្តភ័ក្ដិគេ តែគេនឹងរីកស្នាមញញឹមនៅពេលកែវភ្នែកអ្នកទាំង២ប៉ះគ្នាឡើយ៕

ប្រភព៖ Kanha ប្រែសម្រួល៖ fbgoo.co